Нийслэлийн Биеийн тамир, спортын газар, Монголын бүжгийн спортын холбоо, Баянзүрх дүүргийн биеийн тамир, спортын хороотой хамтран дүүргийн бүжгийн спортын багш дасгалжуулагчдын сургалтыг зохион байгууллаа. 2022 оны 02-р сарын 07-ноос 13-ны өдрүүдэд цахим сургалтыг 02-р сарын 16- 17 ны өдрүүдэд практик сургалтыг "Баясах" бүжгийн зааланд стандарт бүжгийн техник, латин бүжгийн техникийн хичээлийг зааж амжилттай зохион байгууллаа. Сургалтанд БЗД-ийн 35 багш хамрагдлаа.
Стандартын бүжгийн хичээлүүдийг МБСХ-ны дэд ерөнхийлөгч, Олон улсын шүүгч, Г.Мөнхцэцэг, стандарт, латин бүжгийн хичээлүүдийг МБСХ-ны Ерөнхий нарийн бичгийн дарга С.Алтаншагай биечлэн зааж удирдан явуулав. Сургалт сонирхолтой, үр өгөөжтэй, суралцагсад маш идэвхитэй байлаа. Мөн холбооны хүндэт ерөнхийлөгч А.Мөнгөнхуяг ирж сургалтын явцтай танилцан суралцагсдад зөвлөгөөнүүд өглөө.
Та системд нэвтэрч орсоноор сэтгэгдэл бичих болон үнэлгээ өгөх боломжтой болно.