ӨСВӨР ҮЕ, ЗАЛУУЧУУДЫН ДЭЛХИЙН АВАРГА ШАЛГАРУУЛАХ ТЭМЦЭЭНЭЭС БАЯНЗҮРХ ДҮҮРГИЙН ТАМИРЧИД 1 АЛТ, 5 МӨНГӨ, 1 ХҮРЭЛ МЕДАЛЬ ХҮРТЛЭЭ.
WORLD YOUTH DRAUGHTS CHAMPIONSHIP 2025 /Antalya/ Өсвөр үе, Залуучуудын Дэлхийн аварга шалгаруулах тэмцээн 2025 оны 10 дугаар сарын 24-өөс 11 дүгээр сарын 01-ний өдөр Турк улсын Анталья хотод зохион байгуулагдлаа. 
Тус тэмцээнд Монгол улсаас нийт 34 тамирчид охид, хөвгүүдийн 10 ангилалд оролцсон ба Баянзүрх дүүргийн Засаг даргын дэргэдэх өсвөрийн шигшээ багийн дасгалжуулагч П.Энхсаруулаар ахлуулсан манай баг тамирчид 1 алт, 5 мөнгө, 1 хүрэл медаль хүртсэн амжилттай оролцлоо. Үүнд: 
БЗД-ийн 97-р сургуулийн сурагч Эрдэнэцогт овогтой Арвин-Эрдэнэ 100 буудалт даамын үндсэн төрлийн 9-10 насны ангилалд алтан медаль 
БЗД-ийн 48-р сургуулийн сурагч Насанжаргал овогтой Дэлгэржаргал 100 буудалт даамын үндсэн төрөлд 1 мөнгө медаль, блиц төрөлд 1 мөнгө нийт 2 мөнгөн медаль БЗД-ийн Оюунлаг дунд сургуулийн сурагч Зоригоо овогтой Чинтөгс 100 буудалт даамын үндсэн төрөлд 1 мөнгө, рапид төрөлд 1 мөнгө, блиц төрөлд 1 мөнгө, нийт 3 мөнгөн медаль
БЗД-ийн 21-р сургуулийн сурагч Оюунболд овогтой Гэгээ 100 буудалт даамын блиц төрөлд хүрэл медаль тус тус хүртлээ. 
Тэмцээнд амжилттай оролцсон баг тамирчдадаа сурлага, спортын өндөр амжилт хүсье.
Та системд нэвтэрч орсоноор сэтгэгдэл бичих болон үнэлгээ өгөх боломжтой болно.