Улаанбаатар хотын 19 байршилд “Мөрөөдлийнхөө төлөө шударгаар өрсөлдье” уриан дор Монголын хүүхдийн спортын зуны VIII наадам 2025 оны 05 дугаар сарын 26-ний өдрөөс 06 сарын 06-ний өдрийг хүртэл амжилттай зохион байгуулагдаж өнөөдөр хөшгөө хаалаа. 
Энэ удаагийн наадамд 21 аймаг, 9 дүүргийн нийт 6120 тамирчин сурагчид 31 төрлийн спортын тэмцээнд авхаалж самбаа, ур чадвараа сорин өрсөлдсөн юм. 
Баянзүрх дүүргийн Засаг даргын дэргэдэх өсвөрийн шигшээ баг тамирчид спортын 23 төрөлд 275 тамирчдын бүрэлдэхүүнтэй оролцож
12 алт,
23 мөнгө,
22 хүрэл нийт 57 медаль хүртсэн амжилттай оролцож улсын хэмжээнд 21 аймаг, 9 дүүргийн 30 байгууллагаас 7 дугаар байрт жагсан эрэмбэлэгдлээ. 
Энэхүү наадамд хурд, хүч, авхаалж самбаагаа дайчлан хичээл зүтгэл гарган оролцсон Баянзүрх дүүргийн шигшээ баг тамирчид, багш дасгалжуулагч нартаа гүн талархал илэрхийлж сурлага, спортын өндөр амжилт хүсье.
Та системд нэвтэрч орсоноор сэтгэгдэл бичих болон үнэлгээ өгөх боломжтой болно.